Мин Бережнев Валентин Михайлович, 1955 сыллаахха Түүлээх нэһилиэгэр Уус-Алдан оройуонугар төрөөбүтүм. Үһүс кылаастан ыллыыр, сценкаҕа оонньуур этим. Ырыа уруогар бастаан Никита Богдашин ыллыы-ылыы баяҥҥа оонньуур этэ. Кукуруза туһунан быһыылаах этэ. Оччолорго Хрущев Н.С. кукурузаны сайыннарбыт кэмэ эбит. 8-с кылааска Охлопков Михаил Павлович музыка куруһуогун тэрийэн ону-маны нотаны үөрэппиппит. Аан бастаан Бороҕоҥҥо бара сылдьан гармошканы тыаһатарга үөрэммитим. Таайым Крылов Н.М. гармошката баара. Хайыһар куруһуогар сылдьар буолан музыканы бырахпытым. Аны драма кружогар сылдьар буолтум. 9-10 кылаастарга Тандаҕа үөрэнэ сылдьан интернакка олорбуппут. Онно баяҥҥа бары үөрэммиппит, субботаҕа баянынан таансы. Васильев П.П. (Бээрийэ), Бочкарев Г.С. (Түүлээх) олус бэркэ оонньууллар этэ. Бииргэ үөрэнэр уолум Егоров Е.Т. (Танда) бэркэ оонньуура, билигин да оонньуур, куоракка олорор. Кэнники полубаян диэн почтанан суруйтаран ылан концертарга, таансыларга оонньуур этим. Студенныы сылдьан биирдэ эмэтэ тыаһатар этим. Группабытыгар Кононов И.И. (Бүлүү) уола куруук концердарга, стройотрядка оонньуур этэ. Хомойуох иһин билигин суох. Оччолорго Пузанов (аатын умнубуппун) аккардеоҥҥа үөрэппитэ. СССРга аккардеоҥҥа 2-с миэстэлээх оонньооччу эбит этэ. Кэнники улаханнык оонньуу сатаабаппын. Арай концердарга ансамбльга ыллыыбын. Түүлээхтэн элбэх киһи баяҥҥа оонньуур этэ. Оччолорго баян, гитара муода этэ.
СР Бочуоттаах ветерана Бережнев Валентин Михайлович 2023, Кылаайы
