Ахсынньы 16 күнүгэр Түүлээххэ СӨ бастакы бэрэсидьиэнэ Михаил Ефимович Николаев көҕүлээһининэн "Рисуем все" бырайыак эстафетатын кубогын ыаллыы Бээрийэ нэһилиэгиттэн
баһылык Петр Васильевич Васильев, Мария Петровна Турантаева (директоры иитэр үлэҕэ солбуйааччы) Татьяна Ионовна Кривошапкина (саха тылын уонна литературатын учуутала) Нюргуяна Васильевна Атласова (алын кылаас учуутала) аҕалан нэһилиэк баһылыгар Станислав Викторович Винокуровка туттардылар.
Киэҥ саалаҕа нэһилиэк уруһуйдьуттара, иистэнньэҥнэрэ: Екатерина Волкова эскизтара, оҥоһуктара, уруһуйдара; Мария Пестрякова хаартыскаттан үтүктэн харандааһынан уруһуйдара, нүөмэрдэринэн уруһуйдара, мозаикалара, Феврония Малагина оҕолоругар тикпит араас таҥастара, оҥоһуктара, итини таһынан уһуйаан, оскуола оҕолорун араас темаҕа уруһуйдара, "Айаана" ийэлэр түмсүүлэрэ өрүс тааһыгар уруһуйдара турдулар.
Бу күн Елена Михайловна Охлопкова улахан сабардамнаах хаар кыырпаҕын кырыйыытыгар, Июлия Семеновна Охлопкова маска уруһуйдааһыҥҥа, Евдокия Михайловна Винокурова гуаһынан уруһуйдааһыҥҥа маастар кылаастары биэрдилэр.
Итини сэргэ "Харыйа уотун уматыы" буолла, оҕолор оҥорбут хаар кыырпахтарын, маска уруһуйдарын харыйаҕа ииллилэр, Тымныы Кыһын оҕонньору көрүстүлэр, хаартыскаҕа түстүлэр.