- Информация о материале
- Автор: Super User
Бүгүн Д.Д. Оллонов аатынан орто оскуола орто сүһүөх оҕолоругар Библиодень-2025 чэрчитинэн "Свои герои" акция тэрээһинэ ыытылынна. Бэйэбит геройдарбыт - Түүлээх нэһилиэгин аҕа дойду сэриитин бэтэрээннэрин, сэрии кэмигэр тыылга кыайыыны уһансыбыт, Томмот-Алдан суолун оҥоруутугар, Ааллаах Үүҥҥэ таһаҕас таһыытыгар, сэрии сылларын оҕолорун, сэрии кэмигэр нэһилиэк социальнай көрдөрүүлэрэ, бэчээккэ тахсыбыт нэһилиэк олоҕун сырдатар материаллар "Барыта Кыайыы туһугар" быыстапката туруорулунна
Итини сэргэ Саха сириттэн төрүттээх анал байыаннай дьайыы 11 ГЕРОЙДАРЫН билиһиннэрии информационнай чаас буолла.
- Информация о материале
- Автор: Super User
"Чаҕылхай Максим - үйэлэри уҥуордаан өрүү тыыннаах" проегы Саха АССР төрүттэммитэ 100 сылыгар, М.К. Аммосов төрөөбүтэ 125 сааһыгар анаан Саха республикатын үөрэҕириитин туйгуна, Түүлээх орто оскуолатыгар өр сылларга директоры иитэр үлэҕэ солбуйааччынан үлэлээбит саха тылын, литературатын учуутала, М.К. Аммосов биир дойдулааҕа Винокурова Любовь Петровна ааптарскай проега 2022 сылтан ыытыллар. Бу проект иһинэн бүгүн Саха Автономнай советскай социалистическай өрөспүүбүлүкэ төрүттэммит күнүгэр аналлаах уонна Саха республикатын төрүттээбит биллиилээх государственнай политическай уонна общественнай деятель Максим Кирович Аммосов аатын үйэтитиигэ аналлаах "Махсыым оҕо сааһын оонньуулара" өбүгэ оонньууларыгар оскуола оҕолоругар аналлаах тэрээһин буолла.
Күрэххэ улахан уонна орто сүһүөх үөрэнээччилэрэ 3 хамаандаҕа арахсан күрэхтэстилэр. Күрэх түһүмэхтэригэр маннык көрүҥнэр киирдилэр: тобук тардыһыы, кырынаастыыр, ойбонтон уулааһын,кириэс тэбии, атах тэпсии, кулун куллустуур, кыаһаланыы, тыксаан, мохсуо быраҕыы, анньа уонна бөрдө.
Итини таһынан "Чаҕылхай Максим" диэн кинигэнэн быыстапка турда.
- Информация о материале
- Автор: Super User
Уус Алдан улууһугар култуура отдела тэриллибитэ 80 сылын чэрчитинэн Түүлээхтээҕи норуот айымньытын Дьиэтигэр "Улуус культуратын сайдыыта" кинигэнэн быыстапка, "Быыһы сэгэтэн..." Түүлээххэ культура сайдыытыгар үлэлээбит дьоннору сырдатар хаартысканан быыстапка, итини сэргэ Бороҕонтон "Умсулҕан" коллекционердар чилиэттэрэ, Түүлээх нэһилиэгин коллекционердарын быыстапкалара турда.
Бороҕонтон Москвитина Матрена Семеновна, Сыроватская Полина Ивановна, Крылов Иннокентий Дмитриевич, Сивцева Елизавета Федоровна, Дегтярева Галина Власьевна, Бурцева Клара Гаврильевна коллекцияларын илдьэ кэлэн ыалдьыттаан бардылар. Киһи иһиттэр истэ олоруоҕун курдук кэрэ кэпсээн кэһиилээхтэр.
Түүлээх нэһилиэгин коллекционердара: Людмила Охлопкова - зажигалка, Светлана Саввина -чааскылар, Антонина Бережнева -чэйдэрэ, Тамара Неустроева былааттара, нумизматика, сылларынан сувенирдара, Алена Алексеева - нумизматика, Евдокия Иванова - саха ыалын халандаардара, иистэнэргэ сөптөөх сахалыы сурунааллара, Саргылаана Афанасьева - нумизматика, Мария Винокурова - сахалыы остуол оонньуулара быыстапкаҕа турдулар.
Ыалдьыттарбыт Д.Д. Оллонов аатынан орто оскуолаҕа мини-музейы кэрэхсии көрөн бардылар.
- Информация о материале
- Автор: Super User
Улуу Кыайыы 80 сылыгар уонна РФ, Саха АССР культуратын үтүөлээх үлэһитэ, СР культуратын бочуоттаах бэтэрээнэ, Уус-Алдан улууһун, Найахы, Мүрү нэһилиэктэрин бочуоттаах олохтооҕо, "Кэнчээри" коллективын, оҕо ырыа-үҥкүү норуодунай ансамблын төрүттээччитэ, салайааччыта 80 сааһыгар аналлаах улуус оскуолаларын үөрэнээччилэрин икки ардыларыгар уус-уран самодеятельноһы көрүү концерт буолбута. Д.Д. Оллонов аатынан Түүлээх орто оскуолатын үөрэнээччилэрин концерын ссылка нөҥүө киирэн көрүөххүтүн сөп.
Страница 1 из 10
