Бу күннэргэ лааҕырга "Сир күнэ", "Дойдубут күнэ", "Мин дойдум" тематическай күннэр буоллулар. Араас күрэхтэргэ, оонньууларга күрэхтэстилэр, оонньоотулар. Ол курдук: "Ботаническай турнир",  Байыаннай-спортивнай күрэхтэһии,

научнай-практическай конференция. Итини сэргэ эмтээх оттору хомуйдулар, уруһуйдаатылар.

Лааҕыр ыалдьыта Варвара Николаевна Петухова "Дьокуускайдааҕы байыаннай оскуола выпускниктара- биһиги биир дойдулаахтарбыт" лекция оҥордо. "Люблю Россию" флешмобка кытыннылар.

Олохтоох библиотека тэрийиитинэн оҕолор "Тюляхский наслег: история, культура природа" диэн научнай практическай конференцияҕа 8 үлэни көмүскээтилэр. Бары историческай секцияҕа суруйбуттар. Кыттыбыт оҕолорго туоһу сурук, кыайыылаахтар дипломунан бэлиэтэннилэр. Ол курдук 3 миэстэ Дарина ВОЛКОВА "32 нүөмэрдээх  Кэскил оҕо тэрилтэтин историята", 2 миэстэ Аелина БОЧКАРЕВА "Исследование озер Тюляхского наслега", 1 миэстэ Коля ГРОМОВ "Арҕаа Төбө" буоллулар.

Лааҕыр улахан оҕолоро "По просторам  родного края" эко-тропаҕа  "Арҕаа Төбөнү" ыраастыы, көрө-истэ велосипедынан баран кэллилэр. Лааҕырга хаалбыт оҕолор Кыайыы түһүлгэтин тыатын отун-маһын хомуйдулар, эко-фестивальга бэлэмнэннилэр.

Онтон бэс ыйын 14 күнүгэр "Бэйэни салайыныы" күнэ буолла. Лааҕыр улахан кыргыттара  оонньуулары тэрийдилэр,  фестивальга бэлэмнэнии үлэлэрин ыыттылар. Кыргыттар баспытаатал ыарахан үлэтин бэйэлэринэн биллилэр.