Ыам ыйын 18 күнүгэр аан дойду үрдүнэн түмэл (музей) күнэ. Музейдары чиэстээһин идеята дириҥ силистээх: өссө XVIII үйэҕэ Европаҕа уонна Арассыыйа импиэрийэтигэр музей коллекцияларыгар аналлаах тематическай күннэри ыытан барбыттара.

Ол гынан баран, бу көҕүлээһин аан дойдутааҕы бырааһынньык официальнай статуһун 1977 сыллаахха Москваҕа уонна Ленинградка музейдар аан дойдутааҕы сэбиэттэрин (ICOM) конференциятыгар Ирина Антонова баһылыктаах сэбиэскэй дэлэгээссийэ ылбыта (ол кэмҥэ кини А.С. Пушкин аатынан ойуулуур-дьүһүннүүр ускуустуба Судаарыстыбаннай түмэлин дириэктэрэ этэ.) аан дойду бары музейдарыгар биир күн тэрийэргэ этии киллэрбитэ. 1978 сылтан бырааһынньык сыл аайы ыам ыйын 18 күнүгэр бэлиэтэнэр, идэлээхтэри уонна култуураны билээччилэри нэһилиэстибэни харыстааһын уонна тарҕатыы эгидатынан түмэр.

Д.Д. Оллонов аатынан орто оскуола бэһис кылаастан үөһэ үөрэнээччилэригэр Уус Алдан музейдарын туһунан иһитиннэриини кытта биир дойдулаахпыт, сэрии толоонун буойуна Бочкарев Степан Федотович сэриигэ илдьэ сылдьыбыт блокнотун туһунан кэпсээһин буолла. Манна даҕатан эттэххэ Алексеев Афанасий Кононович сиэнэ Миша Алексеев Дьокуускай куорат 29 нүөмэрдээх оскуолатын 6-с кылааһын үөрэнээччитэ блокноту үөрэтэн гугл картаҕа Степан Федотович бойобуой суолун оҥорон араас таһымнаах научнай конференцияларга кытта сылдьарын бэлиэтээн ааһыахха сөп.