Аан дойду дьахталларын күнүн көрсө үөрүүлээх сонуммутун үллэстэбит.

Саха сиригэр биллэриллибит Ийэ сылын чэрчитинэн “Ийэбэр аныыбын иһирэх тыллары...” диэн хоһоон айыытыгар Үөһээ Бүлүү улууһун Өргүөт нэһилиэгин сынньалаҥ киинэ, модельнай библиотеката ыыппыт күрэҕэр Түүлээхтэн Полина Находкина Полина-Победа кыттан муҥутуур кыайыылааҕынан таҕыста.

Кыайыылаах хоһоонун билиһиннэрэбин:

КҮН КҮБЭЙ ИЙЭҔЭР СҮГҮРҮЙ

Күн күбэй ийэҕэр сүгүрүй

Күн сирин көрдөрбүт киһигэр!

Күннэтэ “Киһи буол! Дьоллоох буол!”

Көрдөһө сипсийбит күүһүгэр!

Күн күбэй ийэҕин умнума!

Кимниин да, ханна да буолларгын!

Кыракый бэйэҕин бүөбэйдээн

Кэрэҕэ угуйбут түгэнин!

Күн күбэй ийэҕин харыстаа!

Куһаҕан дьаллыкка сыстыма!

Кими да таҥнарбат сүрэҕэр

Кэрэмэс тыллары хатылаа!