Печать

Түүлээххэ 30 сыл анараа өттүгэр ССРС култууратын туйгуна Иван Афанасьевич ВАСИЛЬЕВ кулууп иһинэн эр дьон ансаамбылын тэрийбитэ.

Бу ансаамбылтан кынаттанан Сергей Копырин, Прокопий Сыроватскай, Никифор Попов, Олимпий Алексеев, Павел Охлопков, Алексей Бережнев тахсыбыттара диэтэххэ сымыйа буолбата буолуо.

"Аргыс" эр дьон вокальнай ансаамбыла 2001 сыллаахха "норуодунай" диэн статустаммыта.

Билиҥҥи састаап 16 киһиттэн турар, ол курдук Валентин Бережнев, Илья Румянцев, Сергей Винокуров, Спиридон Пестряков, Айтал Иванов, Сергей Гаврильев, Михаил Охлопков, Прокопий Богдашин, Петр Волков, Игорь Пестряков, Александр Винокуров, Евгений Афанасьев, Денис Винокуров, Никифор Алексеев дьарыктаналлар, солбуллубат баянистара – Александр Стрекаловскай, салайааччы – Станислав Иванов.

Састаап саҥардыллара, эдэр көлүөнэ кэрэҕэ тардыһара үөрдэр. Ансаамбылга араас сылларга ыллаабыт, култуура, ырыа сайдарын туһугар үлэлээбит дьоммутугар махталбытын уонна эҕэрдэбитин тиэрдэбит.