Г.Н. Иванова-Айтыына, педагогическай үлэ ветерана, РФ уопсай үөрэҕин бочуоттаах  үлэһитэ,  СР үөрэҕин туйгуна,       РФ суруналыыстарын  союһун чилиэнэ. Галина Никитична  Сунтаар Элгээйититтэн төрүттээх. Сэһэҥҥэ, кэпсээҥҥэ киирбит  Дохсун Чохороон кинээстэн төрүттээх-уустаах. Хос эһэтэ  Кугас Омукчаан ырыаҕа-тойукка ылбаҕай, кэрэ куоластаах, хомоҕой хоһоонноох оһуокайдьыт эбит.

Аҕата Никиитэ уран тыл yyhа,  сээркээн сэһэнньит быһыытынан биллэр. Ол да иһин Галина Никитична удьуорун  утумнаан норуот тылынан уус уран айымньытыгар сыстаҕас .

Кини педучилищены бүтэрэн детсадка үлэлэлиэҕиттэн кырачааннары уран тылга уһуйууга, төрүт культураҕа сыһыарыыга айымньылаахтык үлэлээбитэ. Национальнай оскуола концепцията олоххо киириитигэр сэмэй кылаатын киллэрсибитэ. Ол курдук детсад иитээччилэригэр анаан  1993 сыллаахха «Саха фольклора» диэн методическай программаны оҥорсубуг автордартан биирдэстэрэ. Детсад саастаах оҕолору сахалыы тыыҥҥа иитэргэ анаан оҥоһуллубут программаҕа сиэр-майгы иитиитин разделын онорбута. Оҕолорго аналлаах хоһоон, чабырҕах хомуурунньуктарын «Оҕо суола», «Оҕо мичээрэ» уонна «Эбэм аптаах остуоруйата», «Өбугэ үгэһэ» диэн кырачааннарга анаммыт кинигэлэри суруйан бэчээттэппитэ. «Сарыал» детсадка сэбиэдиссэйдии сылдьан. Г.Н. Иванова фольклору үөрэтиини күүскэ киллэрбитэ. Улууска аан бастакынан детсад оҕолоругар «Дьулуруйар Ньургун Боотур» олонхону толорууну тэрийбитэ.

Онтон биһиги бүгүн Айтыына оҕолорго аналлаах олоҥхотун билиһиннэриэхпит. 

Олоҥхону бу сигэ нөҥүө киирэн көрүөххүтүн сөп: 

https://youtu.be/0OHGgdUkpd8